17 xullo 2021
As festas de verán chegan a Seixo a próxima fin de semana. Despois do arranque da programación festiva e de dinamización do Concello para esta época do ano, chegan agora as actuacións, a música e as actividades infantís a Seixo.
Os concelleiros Pablo Novas e Raquel Soage presentaron a programación, acompañados de Manuel Solla, tesoreiro da Asociación de Comerciantes Marín Sur (ACEMAS).
Así, o venres 23, ás 23.00 horas, haberá animación musical a cargo de Los Coleguitas, no entorno da Praza de Abastos. O sábado, de 11.00 a 14.00 horas, haberá actividades infantís na Alameda, para que os máis pequenos da casa tamén poidan gozar destas festas, e a partir das 12.30 horas, a ambientación musical será a cargo de Os Saljariteiros, na Praza de Seixo.
Xa de noite, na Alameda, a Banda de Música Musimarín ofrecerá un concerto ás 21.00 horas e máis tarde, ás 23.00 horas, será o grupo Raúl & Cía o encargado de poñer o peche á programación no entorno da Praza de Abastos.
