Contacto | Tel.:986 88 03 00

Un piano flotante e un espectáculo único: a aposta cultural para o Lago de Castiñeiras

19 xullo 2021

 O verán segue en Marín con apostas tan interesantes e innovadoras como a de Le pianO du lac, un espectáculo en coproducción coa compañía asturiana La Xata la Rifa, que traerá a música ata o Lago Castiñeiras.

A concelleira de Cultura, Beatriz Rodríguez, presentou esta mañá esta oferta cultural, que fusiona teatro, música e danza e espazos naturais. Será os días 27, 28 e 29 de xullo no Lago, ás 20.00 horas.

A compañía chega a Marín despois de realizar en 2020 catro xiras con con catro espectáculos flotantes en Francia e España, que supuxeron un gran éxito de público.

Nesta ocasión, “El pedalOpiano” descansa sobre dous flotadores catamaranes blancos, ciclopropulsados con dúas rodas-paletas, sobre o que actúan artistas da Bretaña, Asturias, París… Trátase, en palabras da compañía, “dunha viaxe de estilos acompañado por unha cautivadora tripulación que interpreta tradición, vangarda, chanson française, músicas do mundo…”.

A visita a Marín está dentro da xira Xacobea “El Camino del agua” e suporá hora e cuarto de concerto estes tres días a cargo da pianista Violette Prevost, a multiinstrumentista Solenne Garnier, o trompetista Damien Bajard e a bailarina Mónica Cofiño.

Entradas

Para poder acudir ao espectáculo é preciso adquirir entrada online, na seguinte dirección: http://www.pianodulac.eu/taquilla2021/. A entrada ten un prezo voluntario, aínda que se aconsella de 10 euros. É preciso acudir cun kit de confort, cadeira pequena ou coxín.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies