Contacto | Tel.:986 88 03 00

As obras de humanización da Avenida de Ourense entran na súa recta final

06 maio 2021

As obras de humanización da Avenida de Ourense entran na súa fase final. Segundo informou esta mañá a alcaldesa, María Ramallo, está previsto que na última semana de maio remate esta actuación, que supón un dos eixos sobre os que pivota a estratexia Marín Dusi, cofinanciada nun 80% polo Fondo Europeo de Desenvolvemento Rexional da Unión Europea.

Esta actuación supón unha importante mellora na mobilidade de Marín, creando un cinturón de carril bici sobre a arteria de comunicación principal do casco urbano cos concellos limítrofes e o resto do termo municipal. Con este avance, mellorarase a mobilidade urbana, apostando pola convivencia entre peóns, bicicletas e tráfico rodado.

Ademais, a Avenida de Ourense estreou tamén a ZONA 2H, que garante máis posibilidades de atopar prazas onde estacionar para poder realizar recados, compras e demáis xestións na nosa vila e que na súa primeira semana en activo está a funcionar moi ben.

Con esta actuación, mellorarase tamén todo o que ten que ver co mobiliario urbano, colocando novos bancos para o goce da cidadanía e colocando nova xardinaría e arborado, de especie de peral de flor, con exemplares que rozan os 6 metros de altura.

A eficiencia enerxética tamén é unha liña de traballo que marca o proxecto, xa que se renovaron todas as luminarias para que cumpran cos estándares de aforro enerxético, utilizando a tecnoloxía LED e apostando por báculos máis modernos e renovados.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies