A alcaldesa María Ramallo e membros da directiva do Marín Futsal presentaron unha edición de récord, con máis de 20 clubs participantes. O venres haberá unha gala de presentación do evento na Alameda coa presenza dos clubs e música.
Marín, 22 xuño 2026
O fútbol sala será o protagonista esta fin de semana na vila de Marín coa celebración da décima edición do Torneo Antonio Suárez, organizado polo Marín Futsal e que reunirá a máis de 1.000 participantes entre o venres e o domingo.
A alcadesa, María Ramallo, e unha representación da directiva do Marín Futsal presentaron esta mañá na Alameda Rosalía de Castro unha edición marcada polo décimo aniversario e que está chamada a ser unha das máis especiais e multitudinarias da historia do evento.
Espérase que participen máis de 20 clubs, 80 equipos e en total un millar de persoas participantes e que estarán desputando partidos o venres de 10.00 a 20.00 horas, o sábado de 09.00 a 23.00 e o domingo pola mañá, para facer finalmente a entrega de premios o domingo pola tarde, a partir das 19.00 horas.
Un acto inaugural o venres por todo o alto na Alameda
Este ano como novidade o evento contará cunha gala inaugural o venres a partir das 21.30h, que servirá para celebrar o aniversario e para presentar aos clubs que participan, e que contará tamén con música en directo.
Clubs participantes
1 – Lago Sport
2 – O Parrulo Ferrol
3 – Redondela FS
4 – FC Wyler Bern
5 – Toledo FS
6 – E. Limones 5 Rivillos
7 – Rivas Atlantic
8 – Victoria Guimaraes
9 – Trepalio León
10 – C.D. Composala
11 – Jogafan Ordes FS
12 – CD. La Peña
13 – 5 Coruña FS
14 – Saraiba Do Mar
15 – Carballiño FS
16 – ADFS. Bueu
17 – ED. Poio Pescamar
18 – Lugo Sala
19 – Sala Ourense
20 – Stellae-Leis
21 – Marín Futsal
