Marín ensinará á veciñanza como funciona a nova sede electrónica

27 xuño 2022

A relación da cidadanía co seu Concello establécese de moitos xeitos, pero a parte burocrática é quizáis a máis complexa. Os equipos técnicos municipais, a través de todos os servizos que se ofrecen á veciñanza, están para resolver os problemas e as necesidades que se plantexan para a prestación de servizos e agora Marín pode facelo dun xeito máis áxil e dixitalizado.

Desde o portal https://sede.concellodemarin.es/ pódense realizar un gran número de trámites burocráticos municipais sen necesidade de moverse da casa, simplemente a través das novas tecnoloxías. Esta dixitalización que levou a cabo o Goberno local, renovando a sede electrónica e mellorando a súa usabilidade, forma parte da estratexia Marín Dusi, cofinanciada nun 80% polo Fondo Europeo de Desenvolvemento Rexional da Unión Europea.

Sacar un volante de empadroamento, presentar unha factura, solicitar unha mellora a través do Rexistro xeral, consultar pagos e débedas impositivas ou formar parte de procesos de participación para aportar suxestións a proxectos son só algunhas das cousas que se poden facer desde esta nova sede, que pretende ser a ventá de comunicación bucrocrática entre a cidadanía e o Concello.

Evidentemente, tal e como explican desde o Goberno local, esta sede non substitúe á atención presencial e individualizada que se presta todos os días desde o edificio consistorial, pero si supón unha importante axuda e un avance de cara á dixitalización do traballo diario municipal.

Unha charla para usar correctamente a sede e resolver dúbidas

Precisamente, co obxectivo de que a sede electrónica sexa útil para todo o mundo, o Concello convoca para este xoves, 30 de xuño, ás 19.00 horas, unha charla na que representantes da empresa encargada de crear este portal poidan explicar que é, en que consiste o seu uso, que trámites poden levarse adiante e como facelo.

A convocatoria, aberta a toda a cidadanía, servirá para resolver dúbidas e para coñecer por dentro todas as posibilidades que brinda a administración dixital.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies