Marín xa ten instalados os dous composteiros comunitarios no Sequelo e na Cañota

Marín xa ten instalados os dous composteiros comunitarios no Sequelo e na Cañota

A compostaxe comunitaria xa é unha realidade no nosa vila. Despois de que o sistema de compostaxe individual, unha modalidade ofrecida polo Concello nas parroquias rurais e semiurbanas en colaboración con Sogama, tivese enorme éxito, o Goberno local decidiu apostar tamén por dotar á vila de dúas estacións comúns para compostar os residuos orgánicos, a través do “Plan Revitaliza da Deputación de Pontevedra”.

No día de onte, instalouse o composteiro que estará ubicado no Sequelo e durante a xornada de hoxe rematouse de colocar o da barriada da Cañota. Así a todo, o Concello afirma que aínda non se abrirá o seu uso, debido á situación de crise sanitaria que estamos a vivir e porque “sería preciso convocar ás persoas interesadas na súa utilización para poder explicar o seu funcionamento, pero iso non é posible facelo nestes momentos”.

Deste xeito, o Concello seguirá organizando estas instrucións básicas para que “no momento que sexa viable e seguro sanitariamente, poidamos abrilos para que a veciñanza poidan utilizalos”.

No que respecta ao mantemento, serán os operarios da Fundación Juan XXIII, coa que o Concello traballa estreitamente nas actividades de mantemento e coidado de xardíns e espazos verdes, co obxectivo de promocionar a inclusión laboral e social das persoas con discapacidade coas que traballa esta asociación.

Anterior O Mercadillo de Marín volverá á actividade este xoves só con postos de floraría, prantas e froitas e verduras

WEBS ASOCIADAS

CONTACTO

Avda. Ourense s/n

2022 Concello de Marín. Todos los derechos reservados