Hortas urbanas do Sequelo
Na contorna do Sequelo, contamos coas nosas Hortas Urbanas Ecolóxicas, unha alternativa de ocio saudable para aqueles veciños que se interesen pola agricultura tradicional e ecolóxica, actividade que ven dando os seu fruto dende o ano 2012 na zona posterior do pavillón do Sequelo, con gran éxito entre a poboación.
As hortas urbanas están concebidas como un sistema que permite o cultivo individual de pequenas parcelas de terra de forma tradicional mediante o emprego de técnicas de cultivo ecolóxico, quedando prohibida a utilización de calquera elemento químico, ben sexa fitosanitario, herbicida ou abonado.
O proxecto pretende fomentar esta actividade lúdico-educativa de desenvolvemento sostible, na que os veciños tomen unha parte activa.
Cantas hai?
Existen 71 parcelas, que se reparten do seguinte xeito:
- 40 hortas para persoas xubiladas ou pensionistas
- 15 hortas para persoas en paro que non reciban prestación por desemprego
- 12 hortas para a veciñanza en xeral
- 4 hortas para persoas con discapacidade (≥33%) ou que demostren intolerancias químicas.
Como se conseguen?
As parcelas están cedidas para o uso ás persoas que se presentan ao concurso. As cesións son por catro anos e actualmente está vixente a de 2019.
Próximo concurso → 2027
