Contacto | Tel.:986 88 03 00

O alumnado da EEI O Grupo, protagonistas dunha exposición no Museo Torres

4 xuño 2021

O alumnado da EEI O Grupo adentrouse nos últimos meses do curso na vida e na obra do pintor Manuel Torres. Con ese traballo, estimulouse a capacidade creativa dos rapaces, cuxo resultado se poderá ver no Museo Manuel Torres a partir do martes, día 8 de xuño.

Dentro esta preparación, os alumnos visitaron hai un tempo as instalacións museísticas para ver in situ as obras que reproducirían despois na escola. Os de 3 anos elixiron o debuxo “Dúas mulleres” e os cadros “Rapaza” e “Barcos de vela”. Os de 4 anos decantáronse tamén por “Dúas mulleres” e sumaron “Montes de Beariz”, “Praiolos” e “Bosque”. Os de 5 reproduciron tamén o debuxo común e “Autoretrato”, “Bodegón I”, “Bodegón II” e a escultura “Cabeza de neno”.

Como indican desde o propio centro, a creatividade, a espontaneitadade libre de prexuízos e a curiosidade constante permítenlle aos nenos e nenas ser libres para recrear as obras que contemplar por primeira vez, sen preocuparse por indagar na finalidade dos orixinais. “Simplemente déixanse sorprender polo que observan e plasman o que lles suxire nese momento a obra”, explicou a concelleira Itziar Álvarez.

Para a montaxe desta exposición, o Museo permanecerá pechado ata o mesmo martes. A mostra estará dispoñible durante 15 días.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies