O Concello aproba o PMA para a concorrencia a financiación europea

05 maio 2022

O Concello de Marín vén de aprobar o seu Plan de de Medidas Antifraude (PMA), un documento necesario dentro das medidas do Plan de Recuperación, Transformación e Resiliencia, financiado pola Unión Europea a través dos Fondos Next Generation.

Este documento permite garantir e declarar que os fondos europeos correspondentes ao noso Concello foron utilizados de conformidade coas normas aplicables, en particular, no que se refire á prevención, detección e corrección do fraude, da corrupción e dos conflictos de interese.

O Concello de Marín non parte de cero no establecemento dunha loita contra o fraude, senón que xa desenvolveu unha no marco da estratexia DUSI, que inclúe a constitución dun equipo de autoavaliación de risco de fraude, a realización dun exercicio de avaliación de risco de fraude e a adopción dunha serie de medidas e compromisos na loita contra o fraude estruturadas a catro fases: prevención, detección, corrección e persecución.

O Comité de avaliación de risco de fraude foi constituido en 2017 e reuniuse en dúas ocasións, en 2019 e en 2022. Nestes dous encontros, o equipo non detectou riscos de fraude, polo que non foi necesario tomar ningún tipo de medida adicional.

Foi nesa reunión cando se aprobou a realización deste PMA, para así poder extrapolalo non só á DUSI, senón tamén a todas as convocatorias de fondos europeos ás que concurra o Concello. Este PMA pode consultarse no Portal de Transparencia, terá unha duración indefinida aínda que se revisará cada dous anos.

Resolución Plan de medidas

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies