Axudas ARI
1. AXUDAS EFICIENCIA ENERXÉTICA EN VIVENDAS – FONDOS NextGenerationEU
Publicouse no DOG nº 81 do 29.04.2025 a Resolución do 22 de abril de 2025 pola que se convoca o Programa de axuda ás actuacións de mellora da eficiencia enerxética en vivendas no marco do Plan de recuperación, transformación e resiliencia financiado pola Unión Europea-NextGenerationEU, para o ano 2025, con carácter plurianual (código de procedemento VI406E):
BENEFICIARIOS
Persoas físicas propietarias, usufrutuarias ou arrendatarias de vivendas. Estas poderán facultar e autorizar que un axente ou xestor actúe por elas a través dun acordo previo.
CONTÍA DAS AXUDAS:
40% do custo elixible total, cun máximo de 3.000 €/vivenda (inversión mínima 1.000 €)
PRESENTACIÓN
Obrigatoriamente por sede electrónica, a través desta ligazón.
PRAZOS
O prazo de solicitude é do 8 de maio ao 8 de xullo do 2025, agás esgotamento de crédito
(crédito orzamentario 1.548.339,00 €/anualidade 2025, 600.000,00 €/anualidade 2026, total 2.148.339,00 €)
O prazo de execución das obras é de 12 meses máximo dende a data concesión axuda, en todo caso antes do 30 de xuño de 2026.
Vivendas unifamiliares ou sitas en edificios residenciais colectivos
• Redución da demanda enerxética anual dun 7% mínimo
• Redución do consumo enerxía primaria dun 30% mínimo
• Cumprimento cos valores límite de transmitancia e permeabilidade establecidos nas táboas 3.1.1.a-HE1 e 3.1.3.a-HE1 do DB HE do CTE, no caso de actuar sobre elementos construtivos da envolvente térmica (fachadas, carpinterías, etc)
- Contar coas licenzas e autorizacións administrativas que correspondan
- Non ter iniciadas as obras antes do 01.02.2020 nin estar rematadas na data 29.04.2025
- Non se subvencionarán instalacións con combustibles de orixe fósil
- A vivenda debe constituír o domicilio habitual e permanente das persoas propietarias, usufrutuarias ou arrendatarias no momento de presentar a solicitude de axudas
- Certificado eficiencia enerxética previo deberá constar inscrito no RGEEE no momento da presentación da solicitude de axudas
- Obras de mellora da eficiencia enerxética
- Honorarios dos profesionais intervintes (proxectos, certificados, informes…)
- Tramitación administrativa
- Non se subvencionan os correspondentes a licenzas, taxas, impostos ou tributos, agás IVE cando non sexa susceptible de recuperación ou compensación
2. AXUDAS Á COMPRA DE VIVENDA EN CENTROS HISTÓRICOS (IGVS)
Publicada no DOG nº 8 do 14 de xaneiro de 2025 a Resolución do 30 de decembro de 2024 pola que se procede á convocatoria do Programa das axudas para a adquisición de vivenda na Comunidade Autónoma de Galicia para o ano 2025 (código de procedemento VI501A):
BENEFICIARIOS
Persoas físicas maiores de idade con ingresos non superiores a 6.5 veces o IPREM que teñan subscrito con posterioridade ao 31.10.2024 un contrato privado ou escritura pública dunha vivenda que non supere os prezos máximos establecidos nas bases reguladoras e sita nun dos cascos históricos recollidos na Orde do 1 de marzo de 2018 que se pode consultar nesta ligazón
CONTÍA DAS AXUDAS:
20% ata un máximo de 10.800 € (12.800 € no caso de menores de 36 anos e 15.000 € no caso de vivendas sitas nun ámbito declarado Área Rexurbe), taxas e tributos excluídos
PRAZO
O prazo de solicitude é do 27 de xaneiro ao 15 de outubro do 2025 ou esgotamento de crédito (500.000 € anualidade 2025)
PRESENTACIÓN
Preferentemente por vía electrónica, a través desta ligazón, con opción en soporte papel.
Financiamento parcial do prezo de adquisición de vivenda xa construída en cascos históricos
3. PROGRAMA AVAIS PARA A ADQUISICIÓN DE VIVENDA 2025 (IGVS)
Resolución do 17 de marzo de 2025 pola que se convoca o Programa Avais para a adquisición de vivenda para o ano 2025 (código de procedemento VI402B):
BENEFICIARIOS
Persoas físicas maiores de idade e menores de 36 anos con ingresos entre 2 e 5.5 veces o IPREM (6.5 veces se é adquirida por máis dunha persoa), empadroadas en Galicia. O límite dos 36 anos non será de aplicación cando se trate da adquisición dunha vivenda protexida (ter sido cualificada definitivamente como vivenda protexida de protección autonómica en réxime xeral, especial ou concertado na data 19 de marzo do 2025)
PRAZO
Do 1 de abril ao 31 de outubro do 2025 ou esgotamento de crédito (5.000.000 € anualidade 2025)
PRESENTACIÓN
Obrigatoriamente por vía electrónica, a través desta ligazón.
Prestar unha cobertura temporal e financieira, de carácter persoal, para a adquisición da primeira vivenda sita na Comunidade Autónoma de Galicia
Ata un 20% do prezo de adquisición da vivenda ou, de ser o caso, do seu valor de taxación (prezo máximo de adquisición no concello de Marín: 210.000 euros)
