Contacto | Tel.:986 88 03 00

Coordinada a actuación nos cemiterios de cara ao Día de Defuntos

As concelleiras Marián Sanmartín e Cristina Acuña reuníronse  co inspector xefe da Policía Local, Benigno Blanco, e co capataz dos enterradores, Francisco Fernando Castro, para coordinar todo o dispositivo especial de medidas posto en marcha de cara a garantir un Día de Defuntos seguro, no que se cumpran todas as medidas de prevención e hixiene derivadas da pandemia da Covid19.

Nesta reunión, establecéronse as directrices de como se desenvolverá o día. Tal e como xe se anunciou anteriormente e en consonancia co protocolo publicado pola Xunta de Galicia, establecéronse aforos máximos en cada cemiterio, poñendo un límite máximo de aforo do 40% e tomando como referencia 4 metros por persoa.

A maiores, prégase brevidade na visita, establecéndose un máximo de 30 minutos, e non se poderá acudir aos camposantos en grupos de máis de catro persoas. Para garantir que todas aquelas persoas que queiran acudir a estes lugares de culto neste día tan importante para a veciñanza poidan facelo, ampliáronse os horarios de 08.00 a 20.00 horas, tanto o sábado como o domingo.

Para velar polo bo tránsito nas entradas e saídas e controlar o aforo durante o domingo, haberá cinco conserxes na Raña, dous no Campo e un no cemiterio de Ardán, é dicir, un por cada entrada dos camposantos municipais.

Ademais, tanto o sábado como o domingo, o persoal de Protección Civil apoiará tanto aos conserxes como aos axentes da Policía Local nestes labores de control e inspección nos diferentes cemiterios municipais.

Por outra banda, tamén se reforzou o dispositivo de limpeza, con desinfeccións das áreas de maior contacto, como as propias entradas, barandas e outros elementos do mobiliario urbano.

Lémbrase a necesidade de ter responsabilidade individual, cumprindo con todas as medidas de prevención e hixiene establecidas: máscara obrigatoria, lavado frecuente de mans, imposibilidade de fumar a menos de 2 metros de distancia e manter, sempre que sexa posible, a distancia interpersoal de seguridade.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies