Marín concede as primeiras catro licencias para a apertura de furanchos esta tempada

13 abril 2021
O concelleiro de Medio Rural, Pablo Novas, acompañado do concelleiro Manuel Domingos, acudiron aos furanchos Chámpalle unha gaseosa e A do Currante a facerlle entrega aos seus donos do cartel que identifica que teñen concedida a licencia de apertura.
Estes dous son os primeiros de Marín en abrir as súas portas, “e temos previsto que os outros dos aos que xa lles concedemos a licencia abran este venres, un en Pardavila, e o próximo venres, un en Pastoriza”.
Tal e como explica o concelleiro, a tempada de furanchos habitualmente vai do 1 de febreiro ao 30 de xuño, pero a situación sanitaria volveu trastocar estes prazos, polo que o Concello habilitará a posibilidade de abrir extraordinariamente no mes de xullo.
Poderán pedir esa prórroga os furanchos que pasada a tempada regular non cumpriran o máximo de 3 meses de apertura continuada que teñen permitido por ordenanza e que aínda teñan excedente para vender.
Novas explica que nos furanchos están activas todas as medidas sanitarias relativas á Covid19 que tamén se aplican á hostalaría. “Por iso, pedimos moitísima precaución e cumprimento das medidas tamén nestes establecementos, porque é o xeito de poder gozar de forma segura da súa apertura, sen poñer en risco a saúde pública”.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies