O patrimonio marinense dá un paso máis na súa posta en valor coa sinalización das fontes

24 xuño 2021

Conservar o noso patrimonio, poñelo en valor e difundilo é fundamental. Por iso, o Concello de Marín leva tempo traballando na catalogación e sinalización dalgúns dos seus elementos patrimoniais máis relevantes, para poder despois dalos a coñecer entre a cidadanía e os visitantes.

Neste sentido, presentouse esta mañá a nova web municipal www.fontesdemarin.com, un portal similar ao que xa se presentara sobre lavadoiros ( www.lavadoirosdemarin.com ) onde se recollen as máis de 70 fontes que se atopan no noso termo municipal, cunha galería fotográfica, unha imaxe 360, a xeolocalización e unha pequena descrición.

Os concelleiros Pablo Novas, Cristina Acuña e Manuel Domingos visitaron a Fonte de Troncosa esta mañá para presentar o novo espazo dixital, ademais de toda a labor de nova sinalización que se levou a cabo en todas as fontes, que agora, ao igual ca os lavadoiros, contan cunha sinalética renovada, axustada á toponimia e cunha estética axeitada á contorna na que se ubican, normalmente rural.

“É importante que todo quede rexistrado e que calquera veciño ou visitante que teña interese en coñecer o noso patrimonio poderá facelo, soamente accedendo a este portal”, explicou Novas.

O concelleiro tamén indicou que esta é “unha aposta para poñer en valor o patrimonio que temos no noso municipio”, especialmente nun momento no que hai unha importante demanda de coñecer espazos abertos e naturais.

Este traballo realizouse con cargo a unha subvención de 13.500 euros da Deputación de Pontevedra.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies