Os Maios mostrarán todo o seu esplendor no Museo Torres do 1 ao 8 de maio

16 abril 2021

As concelleiras Beatriz Rodríguez e Itziar Álvarez presentaron, xunto coa artista Cristina Barreiro, a mostra de Maios que se poderá ver no Museo Torres do 1 ao 8 de maio. Durante eses oito días, os que visiten o centro museístico poderán gozar da arte, do traballo e da imaxinación e tradición de Cristina, cunha mostra de máis de 20 maios en pequeno formato creados por ela mesma.

Esta mostra ten por obxecto manter vivo o espírito dos maios, unha festa popular moi arraigada no noso municipio. Tal e como explicaron as concelleiras, aos maios de Cristina poderán sumarse réplicas dos que se presenten ao Concurso convocado polo Ateneo Santa Cecilia.

Os maios en Marín teñen unha importante tradición, onde as embarcacións marcan tamén un punto distintivo propio da nosa vila. Este ano, dadas as restricións da pandemia, non se pode realizar un acto multitudinario na Alameda coma outros anos e por iso o Concello aposta por esta exposición de pequeno formato.

 

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies