Marín consegue un aforro enerxético do 26% na Avenida de Ourense grazas á renovación da súa iluminación

24 marzo 2022

A creación dunha vila mellor, cunha economía máis limpa e sostible, é un dos eixos sobre os que pivota a estratexia Marín Dusi, dentro da que se englobou o proxecto de humanización da Avenida de Ourense.

Este proxecto, no que se investiron 1,1 millóns de euros, contou coa cofinanciación do 80% do Fondo Europeo de Desenvolvemento Rexional (FEDER) da Unión Europea. Desa inversión, unha parte moi relevante se adicou á renovación de todos os puntos de luz que iluminan a principal arteria da nosa vila.

Segundo os datos acadados até o momento, na Avenida de Ourense conseguiuse colleitar un aforro enerxético do 26,7% con respecto á potencia instalada anteriormente.

Esta liña de renovación das luminarias para instalar tecnoloxía LED é unha prioridade para o Goberno local, que seguirá traballando a nivel público para acadar os estándares de eficiencia enerxética que esixe a Unión Europea.

Pero o aforro enerxético e a procura dunha economía sostible non só ten que ser unha liña de traballo no eido público, senón tamén a nivel doméstico. Por iso, o Concello se adherirá á Hora do Planeta que se celebrará a nivel global este sábado, 26 de marzo, unha convocatoria na que se fai un chamamento á cidadanía de Marín e de todo o planeta para facer un apagón e así reivindicar a necesidade de aplicar políticas e hábitos que teñan en conta a viabilidade medio ambiental da Terra.

No que respecta ao espazo público, apagaranse a fachada do Concello e a farola da Praza de España.

Charla informativa o mércores no Museo Torres

Precisamente, co obxectivo de explicar á veciñanza o aforro enerxético acadado na Avenida de Ourense co cambio das luminarias grazas á obra executada con cargo ao Fondo Europeo de Desenvolvemento Rexional, e para dar consellos sobre como aforrar no ámbito doméstico, convócase unha charla para o mércores 19, ás 19.00 horas, no Museo Torres.

A responsable da Oficina ARI de Marín, Ibana Conte, será a encargada de ofrecer información útil e actualizada para aprender a aforrar enerxía no noso día a día na casa. Nun momento no que a enerxía está en plena suba de prezos e supón unha preocupación importantísima para as familias, “consideramos que é unha moi boa oportunidade para aprender que cousas sinxelas podemos facer para reducir o noso consumo e así acadar un doble obxectivo: aforrar económicamente e coidar o medio ambiente”, explican fontes municipais.

Unha liña de traballo que se estende a todas as actuacións do Marín Dusi

A importancia da eficiencia enerxética marca parte do traballo de todos os proxectos que a Unión Europea, a través do Fondoe Europeo de Desenvolvemento Rexional, aceptou confinanciar na nosa vila a través de Marín Dusi.

No caso da remodelación do Paseo Alcalde Blanco, a renovación de todas as luminarias tamén formou parte do proxecto e de cara á construción do Centro Socio Cultural o proxecto da infraestutura plantéxao como un edificio EECN (Edificio de Consumo de Enerxía Case Nulo).

Para iso, combinaranse instalacións de enerxía renovable con características arquitectónicas que minimicen o consumo enerxético. Ademais, todos os sistemas de servizo contarán cas certificacións enerxéticas máis altas posibles.

No que respecta á iluminación interior, utilizarase tecnoloxía de tipo LED con sistema DALI, que regula a intensidade luminosa en función da iluminación exterior.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies