Edukasano chega a Marín para incentivar entre a mocidade estilos de vida saudables que preveñan de patoloxías metabólicas

06 maio 2021

A alcaldesa, María Ramallo, e o vicerreitor do Campus de Pontevedra da Uvigo, Jorge Soto, firmaron esta mañá un convenio de colaboración entre a administración local de Marín e a institución educativa para poñer en marcha no municipio o Proxecto Edukasano.

O obxectivo do proxecto é o de incrementar o coñecemento entre a mocidade sobre a orixe de determinadas enfermidades como a diabetes ou a obesidade a través de iniciativas educativas innovadoras. O fin último ten que ver coa mellora dos hábitos de vida da poboación relacionados coa práctica da actividade física e dunha diesta equilibrada, baseada na adherencia a unha dieta atlántica.

“Para xerar cambios nos modelos de comportamernto e nos hábitos é fundamental actuar desde a Escola ata os medios sociais, porque é indudable o papel que teñen os profesionais, o profesorado e os educadores”, explican desde a Uvigo.

De xeito específico, realizarase unha avaliación diagnóstica entre a mocidade sobre alimentación saudable e actividade física, para deseñar un programa baseado no contexto social e medio ambiental. Avaliaranse tamén que pode entorpecer á adopción de estilos de vida saudables entre a veciñanza e estableceranse as bases que permitan un cambio de modelo neste sentido, transmitindo valores e hábitos relacionados coa alimentación variada, sana, equilibrada e coa práctica regular de actividade física.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies