Este mediodía arrancou o Entroido online de Marín coa publicación do primeiro vídeo nas redes sociais e na canle de Youtube do Concello. A actriz Mayka Braña visitou, xunto con representantes das comparsas de Marín, Os Paparrulos e Os da Caña, a exposición que acolle o Museo Torres dos traxes máis emblemáticos usados nos desfiles.
Neste vídeo, a actriz entrevista ás comparsas, que contan todo o traballo que hai detrás da preparación do vestiario, dos números de baile, dos desfiles… E, sobre todo, toda a paixón que se lle pon á preparación dos Entroidos.
O sábado será a quenda do alumnado da Escola Municipal de Música.
